敗給那雙黑漆漆的眼睛

死喇死喇 .... 再係咁就變週記架喇, 不過今個星期餘下既幾日都好忙, 可能又要到 weekend 先 update 喇

近來都幾好, 阿太呢排都無鬧我, 仲成日叫埋我一齊去食 lunch, 有時仲去飲茶, 尋日仲收到 louis 既 cookies, 真係喜出望外.

昨晚同 iris 傾左好耐電話, 佢係一個好爽快既人, 所以每次同佢傾計都好開心, 雖然, michael 同 chris 成日講佢壞話, 但我覺得, 做同事和做朋友既感覺係唔同架, 可能對佢地黎講, iris 唔係一個好同事, 但佢對我來說, 就是我的好朋友 .... 說起來, 我和他們3人雖然不同公司, 互不相識, 素未謀面, 但因工作關係認識了他們, 最後還成了朋友, 到現在, 我們四人也在不同公司工作, 還可以 keep contact, 這就是緣份嘛?

最近, 我覺得自己好似被 KC 對眼吸住左咁, 雖然佢唔講得上係英俊瀟洒, 玉樹臨風, 但他的眼珠黑漆漆的, 而且眼神好深好懾人, 佢一望住我, 小女子就好似見光死一樣昏了過去 ^_^仲有呢, 呢排成日見到佢係我視線範圍內出沒, 首先, 佢成日走入黎我條 team 間房, 以前好少架, 佢仲請我食朱古力添 ; 另外, 佢個日竟然問我 LHC 係咪即係潤昌堂? 咪玩啦, 你應該仲熟過我架喎 .... 仲有仲有, 佢竟然問我有無 campus 個 map 喎 ... 哥哥仔, 我地用同一個 server 架, 我有咪即係你都有, 做乜係都要行過黎問我跟住又要我親自過黎搵你呢? 做乜問埋0的明知故問既野而借0的倚入黎我地間房呀? 你咁樣好易令我呢0的妹妹仔誤會架喎, 嘻嘻 .... 不過, 至弊既係妹妹仔知道你有一個10年既女朋友呢 = ="

好喇好喇, 唔好再發夢喇, 講住咁多先啦